ދާރިސް (ސަތާޅީސްވަނަ ބައި)
“މައި ލޯޑް، ޑު ނޮޓް ލީވް މީ އެލޯން….މައި ލޯޑް، ޑު ނޮޓް ލީވް މީ އެލޯން.” ހަމްނާއަށް ހިތާހިތުން އެ ބަސްތައް ތަކުރާރުކޮށް ކިޔެން ފެށިހެން އެ ލޮލުން ކަރުނަތައް ފައިބަން ފެށިއެވެ. ދާދި ދެންމެއަކު އޭނަގެ ހިތް ވަށާލެވިފައިވި އެކަނިވެރިކަން ކުއްލިއަކަށް ނެތިދިޔަ ކަހަލަ އިޙްސާސެއް ކުރެވުނު ގޮތުން ޚުދު އޭނަ ވެސް ޙައިރާންވާހާވިއެވެ.
**
އެދުވަހުން ފަށައިގެން ހަމްނާ ކޮންމެ ދުވަހަކުހެން ނަބީހް ދީފައިވާ އެ ފޮތުން، ނަބީހް ބުނެފައިވާ ފޮތް ހުޅުވައި، އެންމެ ފުރަތަމަ ފެންނަ އާޔަތުގެ މާނަ ކިޔަމުން ދިޔައެވެ. ގިނަ ފަހަރު މަތިން ހަމަ އަބަދުވެސް ފެނިގެން ދަނީ އޭނަގެ އިޙްސާސްތަކާއި ގުޅިފައިވާ އާޔަތެކެވެ.
އެއްދުވަހު ފަތިސް ނަމާދަށްފަހު އެގޮތަށް ހުޅުވުމުން ފެނިގެން ދިޔައީ، ފަތިހުގެ ވަގުތު ކިޔެވޭ ޤުރުއާނަކީ އެއަށް ހެކިވެރިންވާ ތިލާވަތެއްކަން އެނގިގެން ދިޔައެވެ. އެ ހެކިވެރިންނަކީ މަލާއިކަތުންކަން އެނގުމުން ފަތިސް ނަމާދަށް ވަގުތުން ހޭލުމަށް ހިތްވަރެއް ލިބިގެން ދިޔައެވެ. ފަތިސް ނަމާދު ވަގުތުން އަދާކުރަން ފެށުމުން އެހެން ނަމާދުތައް ވެސް ވަގުތުން އަދާކުރަން މަސައްކަތް ކުރެވުނެވެ. އެ މަސައްކަތުން އެއްދުވަހު ވަގުތުން މަޣްރިބް ނަމާދު ކުރުމަށްފަހު އެ ފޮތް ހުޅުވުމުން ފެނިގެން ދިޔައީ، ނަމާދު ވަގުތުން އަދާކުރާ މީހުން ވާނީ ސުވަރުގެތަކުގައި މާތް ކުރައްވާފައި ކަމަށެވެ.
އޭގެ ފަހުން ދުވަހަކު ހަމްނާ އޭނަގެ އެކުވެރިންނާއިމެދު ވަރަށް ހިތްހަމަނުޖެހޭ ގޮތްވިއެވެ. އޭނަ ޤުރުއާނުގެ ވާހަކަ ދައްކަން ވަރަށް ބޭނުންވެގެން އޭނަގެ އެ ތަޖުރިބާތައް ޙިއްސާކުރުމުން އެ އެކުވެރިން އޭނައަށް މަލާމާތްކުރިއެވެ. ހަމްނާ އެދުވަހު ގެއަށް އައީ އެކަމާއިމެދު ހިސާބަކަށް ދެރަވެސްވެފައި ހުރެއެވެ. އެދުވަހުގެ ފަތިސް ނަމާދަށްފަހު ހަމްނާ އެ ފޮތް ހުޅުވައިލުމުން ފެނިގެން ދިޔައީ ޢަންކަބޫތު ސޫރަތެވެ. އެ ސޫރަތުގެ ދެވަނަ އާޔަތުން ފެނިގެން ދިޔަ ސުވާލުން އަނެއްކާވެސް އެ ވާހަކަ ދެކެވެނީ ޚުދު އޭނައާއިހެން ހަމްނާއަށް ހީކުރެވުނެވެ. އެ ސުވާލަކީ މީސްތަކުންނަށް ހީވަނީ އީމާންވެއްޖެއޭ ބުނުމަށްފަހު އެ މީހުން އިމްތިޙާން ނުކުރައްވައި ދޫކޮށްލާނެ ކަމަށްތޯއެވެ. އެއަށްފަހު އެމީހުންގެ ކުރިން އައި މީހުންވެސް އިމްތިޙާން ކުރެވުނު ކަމަށާއި، އީމާންކަމުގައި ތެދުވެރި ވާ މީހުންނާއި ދޮގުވެރިވާ މީހުން ﷲ މޮޅަށް ދެނެވޮޑިގެންވާ ކަމެވެ.
އެ އާޔަތްތަކުގެ މާނަ ޝައުޤުވެރިކަމާއިއެކީ ކިޔަމުން ގޮސް، ހަމްނާގެ ލޮލުން ކަރުނަ ހިލިގެން ދިޔައީ 9 ވަނަ އާޔަތާއި ހަމައިންނެވެ. އެ އާޔަތުގައިވަނީ، އީމާންވެ، ﷲ ސުބުޙާނަހޫ ވަތަޢާލާ ހަމަ ޔަޤީނުންވެސް ޞާލިޙު ޢަމަލުތައް ކުރި މީހުން، ރަނގަޅު މީހުންގެ ތެރެއަށް ވައްދަވާނެ ކަމަށެވެ.
ހަމްނާ އެ އާޔަތުގެ ތަފްސީރު ކިޔަންވެސް ނުކުޅެދުނީ ކަރުނުން ލޯ ފުސްވުމުންނެވެ. ތަފްސީރު ނުކިޔުނަސް އޭގެ މާނަ އޭނައަށް އެނގުންވީ ފަދައެވެ. އޭނަ ކައިރީގައި މިއަދު ތިބި އެކުވެރިންގެ ބަދަލުގައި ﷲ ސުބުޙާނަހޫ ވަތަޢާލާ އޭނައަށް ރަނގަޅު އެކުވެރިން ދެއްވަވާނެ ކަމުގެ ޔަޤީންކަން ހިތަށް ލިބިގެން ދިޔައެވެ. މި ދުނިޔޭގައި ނޫންނަމަ އާޚިރަތުގައެވެ. އޭނަ އީމާންވެ ހެޔޮ ޢަމަލުތައް ކުރަމުން ދާނަމައެވެ.
އެ ދުވަހަށްފަހު ޤުރުއާނަށްޓަކައި އުފެދުނު ޝައުޤުވެރިކަމެއްގެ ބޮޑުކަމުން ހަމްނާ ވަކިވަކިން އާޔަތް ހޯދުން ހުއްޓައިލުމަށްފަހު ދެވަނަ ފަހަރަށް އެ ފޮތުގެ އެންމެ ކޮޅުން ފަށައިގެން ކިޔަން ފެށިއެވެ. އެހެނަސް މިފަހަރު ހަމައެކަނި ސޫރަތުލް ފާތިޙާއާއި ހިސާބުން ހުއްޓައެއް ނުލިއެވެ. ސޫރަތުލް ފާތިޙާއަށްފަހު ސޫރަތުލް ބަޤަރާގެ ތަފްސީރު ވެސް ހަމްނާ ކިޔަވަން ފެށީ ޝައުޤުވެރިކަމާއި އެކީގައެވެ. ކުރީ ކޮޅު ހަމްނާ އެ ފޮތުން ކިޔަން ކަނޑައަޅާފައި އޮންނަނީ ހަމައެކަނި މަޣްރިބް ނަމާދާއި ޢިޝާ ނަމާދުގެ ދެމެދުގައި އޮންނަ ވަގުތުގައެވެ. އެހެނަސް ފަހުން ފަހުން އައިސް ހުސް ވަގުތެއްވާ ކޮންމެ އިރެއްގައި އެ ފޮތް ނަގައި ކިޔެމުން ދިޔައީ، އެއީ ހަމްނާގެ އާ އުފާވެރިކަމަށް ބަދަލުވެގެން ދިޔަ ފަދައިންނެވެ.
ހަމްނާއަށް އަންނަމުން ދިޔަ ބަދަލުތައް އެންމެ ގާތުން ފެންނަމުން ދިޔައީ، ހަމްނާއާއި އެކީގައި އުޅެމުން ދިޔަ ހިބާއާއި ދާރިސްއަށެވެ. ފަހުން ފަހުން އައިސް ހަމްނާގެ ކޮޓަރިން އިވޭ ލަވަތައް ވެސް ހުއްޓިގެން ދިޔައެވެ. ކާ މޭޒުދޮށުގައި ވެސް ވާހަކަ ދެކެވޭއިރު ހަމްނާ ދޮންތައާއި ސުވާލުކުރަނީ އާޔަތްތަކާއި މެދުގައެވެ. ހިބާ އުފަލާއި އެކީ ހަމްނާގެ ސުވާލުތަކަށް ޖަވާބު ދެމުން ދިޔައެވެ. ދާރިސް ވެސް ދާރިސްއަށް އެނގިފައި ހުރި ވަރަކުން ހިބާގެ ޖަވާބުތަކަށް އިތުރު ކުރަމުން ދިޔައެވެ.
“އަހައިލެވިދާނެތަ ހަމްއަށް މިހާ ބޮޑު ޗޭންޖެސް އައިސްގެން މިއުޅެނީ ކީއްވެތޯ؟” ހިބާ އެދުވަހުގެ ހަވީރު ސައިގެ ތެރެއިން ހިނިތުންވުމަކާއިއެކީ ހަމްނާއާއި ސުވާލުކުރިއެވެ. އޭރު ދާރިސްވީ ސައިބޮއި ނިމިގެން ގޭގެ ބިއްދޮށުގައިވާ ގަސްތަކަށް ފެންދޭން ގޮހެވެ.
“އެއީ…..ކޮންމެވެސް ކުއްޖަކު ދިން ފޮތެއް ކިޔައިގެން..” ހަމްނާ ދޮންތަގެ ކުރިމަތީގައި ނަބީހްގެ ނަން ނުކިޔަން ނިންމަމުން ބުންޏެވެ.
“ކޮން ކުއްޖަކު ދިން ކޮން ފޮތެއް؟” ހިބާއަށް ދެބުމަ ކައިރިކޮށްލަމުން އެ ސުވާލު ކުރެވުނީ، ހަމްނާ މިހާރު ގެންގުޅޭ އެކުވެރިންގެ ތެރޭގައި ރަނގަޅު ފޮތެއް ދޭނެ ކުއްޖަކު ނުހުންނާނެކަން ޔަޤީން ކުރެވުނީތީވެއެވެ.
“އެއީ….ނަބީހް ދިން ތަފްސީރު ފޮތެއް…” ހަމްނާ އަވަސްއަވަހަށް އެހެން ބުނެލީ ދޮންތަ ނަބީހްގެ ވާހަކަ ނުދައްކާނެކަމަށް ގަދައަށް އުއްމީދު ކުރަމުންނެވެ. އެހެނަސް….
“އޯ އެމް ޖީ! ތިއީ އެއްކަލަ ހަމްއާއިއެކީ ގްރޫޕް ވޯކް ހަދަން މިގެއަށް އައި ފިރިހެން ކުއްޖާތަ؟! ދޮންތައަށް ހީވީ ރަނގަޅަށްތާ! އެކްޗުއަލީ ނޯ….ދޮންތަ ހީކުރި ވަރަށްވުރެ ތި ކުއްޖާ ރަނގަޅު…ނަބީހް ވެސް ޤުރުއާން ސްޓަޑީ ކުރޭތަ؟ މި ބުނީ ޑީޓެއިލްކޮށް އަމިއްލައަށް؟” ހިބާ ނުހަނު ޖޯޝާއިއެކީ ސުވާލުކުރިއެވެ.
“އެޕޭރެންޓްލީ ޔެސް! ނަބީހްގެ އަންކަލް އަކީ ޝެއިޚްއެއް ކަންނޭނގެ…ހީވަނީ އެމީހެއް ކައިރިންހެން ނަބީހް އެ ފޮތް ހޯދައިގެން ކިޔަވަނީ….ނަބީހް މޮޅުވާނެ އިސްލާމްއަށް…” ހަމްނާއަށް ބޭއިޚްތިޔާރުގައި ނަބީހަށް ތަޢުރީފު ކުރެވުމުން ދެލޯ ބޮޑުކޮށްލެވުނެވެ. ދޮންތަ ނަބީހާއިހެދި އެހާވަރުން ހުންނައިރު އޭނަ ތަޢުރީފެއް ކުރުމުން ވާނެ ގޮތް އެނގުންވުމުންނެވެ.
“ސީީީީީ؟ އައި ޓޯލްޑް ޔޫ! ވަރަށް ގިނަ ދުވަސްވެއްޖެދޯ ހަމްއާ މިކަހަލަ ޗެޓެއް ނުޖެއްސޭތާ؟ ސޯ ޑެއާރ އައި އާސްކް…..ޑޫ ޔޫ ލައިކް ހިމް؟”
“ނޯ ދޮންތާ! ބޭނުމެއްނޫން ނަބީހްއާއިމެދު ތި ގޮތަށް ވިސްނާކަށް….ބަޓް އައި ޑޫ ރެސްޕެކްޓް ހިމް…”
“އޮހް! އޯކޭ….ކުއްޖަކު ލައިކް ކުރުވަން ހަމްއަށް ފޯސްދޯ މި ކުރެވެނީ؟ ސޮރީ! ބަޓް ޔޫ މަސްޓް އެގްރީ ހަމް ލައިކްވެގެން އުޅުނު ނައުފަލްއަށްވުރެ ނަބީހް ރަނގަޅުކަން…ހަމްނާ ނަބީހްދެކެ ލައިކް ނުވިޔަސް ނަބީހާއި ދިމާވުމަކީ ރަނގަޅު ފިރިހެން ކުދިން އުޅޭ ކަމުގެ ސައިންއެއް. ނައުފަލްއަށް ވުރެ ސްޓޭންޑާޑްސް ރައިޒްކުރަންޖެހޭ ކަމުގެ ސައިންއެއް….ޑޯންޓް ޔޫ ތިންކް؟”
ހިބާ އެހިއެވެ. ދޮންތަ އެ ކޮށްލި ސުވާލާއިއެކީ ހަމްނާ ހުއްޓުން އަރާ ގޮތްވިއެވެ. ވޭތުވެ ދިޔަ ދެ ހަފްތާއެއްހާ ދުވަސްތެރޭގައި ހަމްނާ ވީ ނައުފަލް މަތިނ މުޅިންހެން ހަނދާން ނެތިފައޭ ބުންޏަސް ދޮގަކަށް ނުވާނެއެވެ. ވާނީވެސް އެހެންތާއެވެ. ނައުފަލް އޭނައަށް މާ ބޮޑު ސަމާލުކަމެއް ދެނީއެއްނޫނެވެ. އަދި ނައުފަލް ގިނަ ދުވަހު ސްކޫލަށް ވެސް އަންނަނީއެއް ނޫނެވެ. އަދި އަމުދުން އެންމެންނަށް ސިއްރުން ސްކޫލްގެ ބިއްދޮށުން ބައްދަލުކުރަން ޖެހޭ ޖެހުމުން ހަމްނާގެ ހިތަށް އުދަގުލެއްވެއެވެ. މި ވާހަކަތައް ދޮންތައާއި ޙިއްސާކުރަންވީތޯ ހިތަށްއެރި ވަގުތު ދޮންތަ މޭޒުމަތީގައި އޮތް އޭނަގެ އަތްމަތީގައި އެއްއަތް އަޅައިލިއެވެ.
“މީހަކު ކަމުދިޔުމަކީ ގޯހެއްނޫން ހަމް…އެ އިޙްސާސުގެ ނަތީޖާއެއްގެ ގޮތުން ބައެއް ފަހަރު ކުރެވިގެންދާ ކަންތައްތައް ގޯސްވެގެން ދަނީ. ކުރިން ވެސް ދޮންތަ ހަމްއަށް ކިޔައިދިންހެން އަންހެން ކުއްޖަކާއި ފިރިހެން ކުއްޖަކު ވަކިން ބައްދަލުވާ ހިނދު ތިންވަނަ ފަރާތަކަށް ޝައިޠާން ހުރޭ….ﷲ ސުބުޙާނަހޫ ވަތަޢާލާ ކޮންމެ ކަމެއް ވެސް އަހަރުމެންނަށްޓަކައި މަނާ ކުރައްވާފައިވަނީ ސަބަބުތަކާއި ލައިގެން. މުސްލިމް އަންހެނުންގެ ގޮތުގަ އަހަރުމެންމީ ފެނޭ ކޮންމެ މީހަކަށް އަހަރުމެންގެ ހިތް ދޭ ބައެއް ނޫން. އަހަރުމެން މިއީ އެއަށްވުރެ އަގުހުރި ބައެއް…މި ޒަމާނުގެ ދިރާސާތައް ހޯދައިގެން އަގުހުރި އަންހެނެއްގެ ސިފަތަކެއްގެ ތެރޭގަ އެމީހުން މި ޒާތުގެ ވާހަކަތައް ހިމަނަނީ. އެކަމަކު ﷲ އާއި އެކަލާނގެ ރަސޫލާ ޞައްލަ ﷲ ޢަލައިހި ވަސައްލަމް ވަނީ އެއަށްވުރެ މާ ކުރިން މާތް އަންހެނުންގެ ގޮތުގަ އުޅެންވީ ގޮތް އަހަރުމެންނަށް މާ ފުރިހަމައަށް ދަސްކޮށްދެއްވާފަ….” ހިބާ ކިޔައިދިނެވެ.
ދޮންތަ ވާހަކަތައް ދައްކަމުން ދިޔަދިޔަހެން ހަމްނާއަށް އެ ވާހަކަތަކާއިމެދު ވިސްނުނެވެ. ދޮންތަ އެ ބުނާފަދަ ދިރާސާތަކާއި ލިޔުންތައް ހަމްނާ ވެސް ވަނީ ކިޔާފައެވެ. އަންހެނުންގެ ޙައްޤުތަކަށް ވަކާލާތުކުރާ ބައެއް މީހުން ބުނާ ގޮތުގައި އަންހެނުން ފިރިހެނުންނާއި ވާހަކަ ދައްކާއިރު ވެސް ގެންގުޅެންޖެހޭނީ ސާބިތު އަޑެކެވެ. އެ ވާހަކަ ހަމްނާއަށް ވަނީ ނޫރު ސޫރަތުގެ އާޔަތަކުން ވެސް ފެނިފައެވެ. ދޮންތަ ދެންމެ ބުނި ފަދައިން ﷲ ގެ ކޮންމެ އަމުރުފުޅެއްގެ ފަހަތުގައި ކިހާ ބޮޑު ޙިކްމަތްތަކެއް ވާނެކަން ހަމްނާއަށް އެނގުންވީ އެ ވަގުތެވެ.
“ސޯ ނެވާރ ސެޓްލް ފޯ ލެސް، ހަމް. ދޮންތަ އަބަދުވެސް ބުނަމުން އަންނަހެން ހަމްއަށް ޙައްޤުވަނީ ހަމްދެކެ ޤަދަރުވެރި ލޯތްބެއް ވާ މީހަކު. މޭއިބީ ކަހަލަ ބަސްތައް ބުނެ ހަމްގެ އަމިއްލަ ނަފްސާއިމެދު ޝައްކު އުފައްދާ ކަހަލަ މީހެއްނޫން. އެމީހަކު ވާންޖެހޭނެ ދޮންތަ ކައިރިއަށް އައިސް ހަމްގެ ވާހަކަ ދައްކަން ކެރޭނެ މީހަކަށްވާން. އެކަމަށް އެއްބަސް ނުވަންޏާ އެއިން އެނގެނީ އޭނަ ހަމްދެކެ އެހާ ބޮޑަށް ލޯތްބެއް ނުވާކަން….އެކަހަލަ މީހަކާއިއެކީ އުޅުމަށްވުރެ މާ ރަނގަޅުވާނެ އެކަނި އުޅުނަސް. ޓްރަސްޓް މީ އޮން ދިސް!”
ދޮންތަ އިތުރަށް ދެއްކި ވާހަކަތަކުން ހަމްނާ އޭނަގެ އަމިއްލަ ވިސްނުމަކަށް އަނެއްކާވެސް ގެއްލުނެވެ. ދޮންތަ އެ ބުނެލި ފަހު ބަސްތަކާއިއެކީ އޭނައާއި ނައުފަލްގެ ގުޅުމާއިމެދު ވިސްނުނެވެ. ހަމަ ޙަޤީޤަތުގައި ވެސް ނައުފަލްއާއި އެކީގައި އުޅުމަށްވުރެ އޭނަ އެކަނި އުޅުނިއްޔާ ވެސް އޭނަގެ ހިތަށް މާ ފަސޭހަވާނެ ކަމަށް އެ ވަގުތު ސިކުނޑި ބުންޏެވެ.
ހަމަ އެހިނދު ދޮންތަ އޭނަގާތު ތި ވިސްނަނީ ކޮންކަމަކާއިތޯ ސުވާލުކުރިއެވެ. އެއާއިއެކު ހަމްނާއަށް އަމިއްލަ ޚިޔާލުތަކުން ނިކުމެ އެ ސުވާލަށް ޖަވާބު ދެވުނެވެ. އަވަސްއަވަހަށް ކަމެއް ނުވެއޭ ބުނެލެވުނީ، އޭނަ ނައުފަލްއާއި ރައްޓެހިވެގެން އުޅޭ ވާހަކަ ދޮންތައަށް ކިޔައިދޭން ޖެހިލުންވުމުންނެވެ. ބޭއިޚްތިޔާރުގައި ނަމަވެސް ދޮގެއް ހެދުނީތީ ހަމްނާގެ ހިތަށް އުދަގޫވިއެވެ.
ދެމީހުންގެ ސައިގަޑީގެ ވާހަކަ ނިމިގެން ދިޔައީ، ހަމްނާ ހިތްދަތިވާ އެއްވެސް ކަމެއް ކުރިމަތިވާނަމަ ދޮންތައާއި ޙިއްސާކުރުމަށް ދޮންތަ އެދުނު ހިސާބުންނެވެ. ހަމްނާ އެ ވާހަކައަށް ބޯޖަހައިލީ، ނައުފަލްގެ ވާހަކަ ދޮންތަ ގާތު ބުނަން ހިތްވަރު އެއްކުރެވުމުން އެ ވާހަކަ ބުނަން ނިންމަމުންނެވެ.
**
އެދުވަހުގެ މަޣްރިބް ނަމާދު ޖަމާޢަތުގައި އަދާ ކުރުމަށްފަހު ނަބީހް އާދައިގެ މަތިން މިސްކިތުގެ ކަނެއްގައި އިށީނީ މުޞްޙަފެއް ހިފައިގެންނެވެ. އެއީ އޭނަ މިސްކިތުގައި ގެންގުޅޭ ޚަތިމަށްވީތީ އެންމެ ފަހުން އޭނަ ކިޔެވި ހިސާބު އޭގެ ތެރޭގައި އޮތް ފަށުން ފާހަގަކުރެވިފައިވިއެވެ. އެހެންކަމުން ފަސޭހަކަމާއިއެކީ އެ ޞަފްޙާ ހުޅުވައިލުމަށްފަހު ނަބީހް ކިޔަވަން އުޅުނެވެ. އެހެނަސް އެކަމަށް ނުކުޅެދުނީ، އެދުވަހު އޭނަ ހިތްދަތި ކުރުވަމުން ދިޔަ ޚިޔާލުތަކުން އަރުތެރެ ބެދިފައިވުމުންނެވެ.
ފަހަކަށް އައިސް ހަމްނާ މަތިން ހަނދާން ނައްތައިލުމަށް ނަބީހް އަންނަނީ މަސައްކަތް ކުރަމުންނެވެ. އޭނަ އެ މަސައްކަތް ފެށީ، މީގެ ހަފްތާތަކެއް ކުރިން ހަމްނާއާއި ނައުފަލް ރައްޓެހިވެގެން އުޅޭ ވާހަކަ އިވުނު ފަހުންނެވެ. އެ ވާހަކަ އިވުނު ވަގުތުކޮޅުގައި ނަބީހް ގަނޑުވެގެން ދިޔައެވެ. ހިނދުކޮޅެއް ވަންދެން ދުނިޔެ އޭނަގެ ވަށައިގެން އެނބުރެން ފެށިހެން ހީވިއެވެ. ކިރިޔާ ހަމައަކަށް އެޅޭ ގޮތް ވީ އޭނަގެ އެކުވެރިޔާ އޭނަގެ ކޮނޑުގައި އަތްއަޅައި ރަނގަޅުތޯ އަހައި ސުވާލުކުރުމުންނެވެ.
އެ ދުވަސްފަހުން ހަމްނާއާއި ނައުފަލް ސްކޫލްގެ މެދަށްވާ ގޮތަށް ހުންނަ ޢިމާރާތުގެ ފަހަތުން ބައްދަލު ކުރާތަން ވެސް ނަބީހަށް ވަނީ ފެނިފައެވެ. އެފަދަ މަންޒަރުތައް ފެންނަ ކޮންމެ ފަހަރަކު ނަބީހްގެ ހިތަށް ތަދުވެއެވެ. އެއީ ހަމައެކަނި ހަމްނާ އޭނަ ނޫން މީހަކު ޚިޔާރު ކުރީތީވެއެއްނޫނެވެ. އެއާއިއެކު ހަމްނާ އޭނަ ނުހަނު ގާތުން ދަންނަ ނުލަފާ ފިރިހެނެއްގެ ކައިރީގައި ހުރީތީވެއެވެ. އެފަދަ މީހަކު ހަމްނާއަށް ކަމުދިޔައީތީވެއެވެ.
ޙަޤީޤަތުގައި ނައުފަލަކީ މީގެ އަހަރެއްހާ ދުވަސްކުރިން ނަބީހްގެ ވެސް ގާތް އެކުވެރިއެކެވެ. ހިދާޔަތުގެ އަލިކަން ފެނުމުގެ ކުރިން އޭނަ ނައުފަލްގެ އެކުވެރިންގެ ލިސްޓުގައި ހިމެނެން ބޭނުންވީ ސްކޫލް ތެރޭގައި މަޝްހޫރުވުމަށެވެ. އޭރުވެސް ނަބީހަށް ހަމްނާ ކަމުދެއެވެ. އަދި ހަމްނާއަށް ކަމުދަނީ ނައުފަލްކަން އެނގެއެވެ. ނައުފަލާއި ގާތްވާން ބޭނުންވި އެއް ސަބަބަކަށްވީ ވެސް، ނައުފަލްގެ ބައެއް ސިފަތައް އޭނައަށް ލިބި، އޭގެ ސަބަބުން ހަމްނާއަށް އޭނަ ކަމުގޮސްފާނެކަމުގެ އުއްމީދެވެ.
އެހެނަސް ނައުފަލްގެ ގޮތް އެނގެމުން ދިޔަ ވަރަކަށް ނަބީހްގެ ހިތުގައި ނައުފަލަށްޓަކައި ނަފްރަތެއް އުފެދުން ނޫންކަމެއް ނުވިއެވެ. އެ އެކުވެރިކަމުގެ ކުރީކޮޅު ނަބީހް ވެސް ނައުފަލް ހަދާހެން ނުބައި ކަންތައް ކުރުމުގައި މަޖާ ނެގޭތޯ ބެލިއެވެ. މިގޮތުން މަންމައާއި ބައްޕައަށް ޙަޤީޤަތް އޮޅުވައިގެން ގެއިން ނިކުމެގެން ދިޔުމާއި، ލައިސަނެއްނެތި ސައިކަލު ދުއްވުމާއި، މަންމަމެންނަށް ދޮގު ހަދައިގެން ލާރި ހޯދުމަކީ ‘ކޫލް’ ކަމެއްގެ ގޮތުގައި ދެކެވޭތޯ ވަރަށް މަސައްކަތް ކުރިއެވެ.
އެހެނަސް ނަބީހް އެ ކުރިހާ މަސައްކަތެއްވީ ބޭކާރެވެ. އެ ކަންތައްތަކުގެ ތެރެއަށް އޭނަ ވަންނަން ބޭނުންވި ވަރަށް އެއްގޮތަކަށް ވެސް ނުވަދެވުނެވެ. އޭގެ އެއް ސަބަބަކީ، ދީނީ ޢިލްމު އުނގެނިގެން ހުރި އޭނަގެ ބޮޑުބޭބެއާއިއެކީ ކޮންމެ ހެނދުނަކު ދުވަން ދާ ދިޔުމެވެ. ކޮންމެ ދުވަހަކު ދުވުން ނިމުމަކަށް އައިސް ދެމީހުން ގާގަނޑެއްގެ މަތީގައި އިށީނދެގެން ތިބޭ ވަގުތު އެ ބޮޑުބޭބެ ކޮންމެވެސް އާޔަތެއް ޙިއްސާކޮށް އެ އާޔަތުގެ މާނަ ޙިއްސާ ކުރެއެވެ.
ނަބީހް ރަނގަޅު މަގުން އެއްކިބާވެ، ފުން އަނދިރިގަނޑަކަށް ދިޔުމުން ރައްކާތެރި ކުރީ އެ އާޔަތްތަކެވެ. ނުބައި ކަންތައް ކުރަމުންދާއިރު ވެސް އެ ކުރެވެނީ ޚުދު އޭނަގެ އަމިއްލަ ނަފްސަށް ވެސް ގެއްލުން ކުރުވާ ކަމެއްކަން އޭނައަށް ހަނދާން ކޮށްދެމުން ދިޔައީ އެ އާޔަތްތަކެވެ. އޭނަ ﷲ ގެ ރުހިވޮޑިގަތުމާއި ދުރުވަމުންދާ ކަމާއި، އޭނަ އެ ގޮތް ބޭނުންނުވާކަން ޔަޤީން ކޮށްދިނީ ވެސް އެ އާޔަތްތަކެވެ.
އެންމެ ފަހުން ނަބީހާއި ނައުފަލްގެ ގުޅުން ނިމުމަކަށް އައީ، ނައުފަލް ފުރަތަމަ ފަހަރަށް ނަބީހްގެ އަތަށް ސިނގިރޭޓެއް ދިއްކޮށްލި ދުވަހެވެ.
“އަހަރެން ތީތި ބޭނުމެއްނޫން….” އެއްދުވަހުގެ އިރުއޮއްސެން ގާތްވަމުން ދިޔަ ވަގުތު ނަބީހް ނައުފަލާއި އެކީ ފަޅު ގެއެއްގެ ފާރުމަތީގައި އިނދެ ބުންޏެވެ. ނައުފަލް އެހެން ބުނި އަޑު، އެތާ ދުން އަރުވަން ތިބި ނައުފަލްގެ އެހެން އެކުވެރިންނަށް ވެސް އިވުނެވެ.
“ދެޓްސް އަ ފަސްޓް! ކަލޭ ކޮން ދުވަހަކުން ފެށިގެން މަ ބުނާ ކަމަކަށް ނޫނެކޭ ބުނަން ފެށީ؟ ގޭންގުގެ މީހަކަށްވާން ބޭނުންނުވަނީތަ؟ މީތި ބޮއިފިއްޔާ ރަސްމީކޮށް މި ގޭންގުގެ މީހަކަށްވީ ކަމަށް ބަލާނަން….” ނައުފަލް ބުންޏެވެ. އެއާއިއެކު ނަބީހް ދެބުމަ ކައިރި ކޮށްގެން އިނދެފައި ފާރުން ފޭބުމަށްފަހު ނައުފަލާއި ކުރިމަތިލިއެވެ.
“ބޭނުމެއްނޫން ތީތި ބޯކަށް. އަދި ގޭންގުގެ މީހަކަށް ވާކަށް ވެސް ބޭނުމެއްނޫން. ވަޓް ވޯޒް އައި ތިންކިންގް!” ނަބީހް ނައުފަލަށް ބަލަން ހުރެ ބޭނުންވާ ގޮތް ބުނުމަށްފަހު، ފަހު ބަސްތައް ބުނެލީ އަމިއްލަ ނަފްސާއި ކަހަލަ ގޮތަކަށެވެ.
“ކިހިނެއްވީ؟ ޝެއިޚް ބޮޑުބޭބެ ނުރުހުންވީތަ އަނެއްކާ؟” ނައުފަލް އެހިއެވެ. އެއާއިއެކު ނައުފަލްގެ އެހެން އެކުވެރިއަކު ވާހަކަ ދެއްކިއެވެ.
“އާނ….މަ ދެކެމޭ މި ގޮލާ އެ ތުނބުޅިއާއިއެކީ ދުވަން ގޮއްސަ ވާހަކަ ދައްކަން އިންނަތަން..” އެ އެކުވެރިޔާ އެހެން ބުނުމާއިއެކު ނައުފަލް މަލާމާތުގެ ހިނިގަނޑެއް ޖަހައިލިއެވެ.
“ކީކޯ ބޮޑުބޭބެ ބުނަނީ ސިނގިރޭޓި ބުއިމާއިމެދު….މިއީ ޙަރާމް ކަމެކޭތަ؟” ނައުފަލް އެހެން އަހައިލީ ނަބީހާއި ނަބީހްގެ ބޮޑުބޭބެވެސް ދަށްކޮށްލާ ޒާތުގެ ރާގަކަށެވެ.
“ތި ވާހަކައެއް ނުދެކެވޭ އަހަންނާއި ބޮޑުބޭބެއާއި ދެމެދު. އެނގޭހާ ވެސް ކަމަކީ އަހަރެންގެ މަންމައާއި ބައްޕަ އަހަރެން މި ގޮތަށް އުޅެން ނުރުހޭނެކަން. އެމީހުންނަށް ދޮގު ހަދައި އެމީހުން އަހަންނަށް ކުރާ އިތުބާރު ގެއްލުވައިލާކަށް ބޭނުމެއްނޫން. އެހެން ހަދައިފިއްޔާ ﷲ ގެ ލޯބިފުޅު އަހަންނަށް ގެއްލިދާނެތީ ބިރުގަނޭ….ހިތަށްއަރާ ނައުފަލްއަށް ވެސް މިގޮތަށް އިޙްސާސް ކުރެވޭނެނަމައޭ. އިޓްސް ނެވާރ ޓޫ ލޭޓް ޓު ރިޓާން ޓު ﷲ!”
ނަބީހް އެ ފަހު ބަސްތައް ބުނެލީ އިޚްލާޞްތެރިކަމާއިއެކީ އޭނަގެ އެކުވެރިންގެ ހިދާޔަތަށްޓަކައި އެދިގެންނެވެ. އެހެނަސް އޭގެ ބަދަލެއްގެ ގޮތުން އޭނައާއި ކުރިމަތިވެގެން ދިޔައީ ހިނިގަނޑުތަކާއި، އެންމެ ގޯސްވެގެންވާ މަލާމާތްތަކެވެ.
އެ މަލާމާތްތައް ހަމައެކަނި އެދުވަހުން ނިމިގެން ދިޔައީވެސް ނޫނެވެ. ސްކޫލް ކުދިންގެ ތެރޭގައި ނަބީހަކީ ‘ކަޓު’ ކުއްޖެއްގެ ގޮތުގައި މަޝްހޫރު ކޮށްލަން ނައުފަލަށް ނެގީ މަދު ދުވަސްކޮޅެކެވެ. ނަތީޖާއެއްގެ ގޮތުން ސްކޫލް ތެރޭގައި އުޅޭއިރު ވެސް ލަދުކުޑަ ކުދިން އޭނައާއި އަމާޒުކޮށް ހުތުރު ބަސްތަކުން ގޮވާތީ ނަބީހަށް އުދަގޫވިއެވެ. އެހެނަސް އެ އުދަގުލަކީ ދީނާއި ދުރުވާންވީ ސަބަބެއްކަމަށް ނަބީހް ނުބެލިއެވެ. ރަސޫލާ ﷺ އާއި އެކަލޭގެފާނުގެ ޞަޙާބީން ވެސް ހަމައެކަނި އީމާންވި ކަމަށްޓަކައި، އޭނައާއި އެ ކުރިމަތިވާ މަލާމާތުގެ ބަސްތަކަށްވުރެ މާ ވަރުގަދަ އަނިޔާތަކެއް ލިބިގެން ދިޔަކަން ހަނދާން ކުރަމުންނެވެ. އެ ބޭކަލުން އެ އަނިޔާތަކަށް ކެތްތެރިވެވަޑައިގަތުމުގެ ނަތީޖާއެއްގެ ގޮތުން، އެ ބޭކަލުންނަށް ﷲ ގެ ރުހިވޮޑިގަތުމާއި ދެދުނިޔޭގެ ބާއްޖަވެރިކަން ވެސް ލިބިގެން ދިޔަ ގޮތް ހަނދާންކުރަމުންނެވެ.
މި ހުރިހާ ކަމަކުން ނަބީހްގެ ހިތަށް ސާބިތުކަމެއް ލިބިފައިވިއެއްކަމަކު، ދެރަވަމުން ދިޔައީ އެންމެ ކަމަކާއި ހެދިއެވެ. ނައުފަލްމެންގެ ބަސްތަކަށް އޭނަގެ ހިތުން ޖާގަ ދެވިފައިވި އަންހެން ކުއްޖާ ވެސް ހެއްލިގެން ދިޔައީތީވެއެވެ. ނައުފަލްމެން އޭނައަށް މަލާމާތް ކުރަން ފެށިފަހުން ހަމްނާ ވެސް އޭނައަށް ބަލަން ފެށީ ތަފާތު ނަޒަރަކުންކަން ނަބީހަށް ފާހަގަކުރެވުނެވެ. އެދުވަސްކޮޅު ވެސް ހަމްނާ މަތިން ހަނދާން ނައްތައިލަން ނަބީހް މަސައްކަތް ކުރިއެވެ. ހަމްނާއަށް ނައުފަލް ކަހަލަ ކުއްޖަކު ކަމުދާނީ ވެސް ހަމްނާގެ ހުރި ގޯސްކަމުން ކަމަށް ނިންމުނެވެ. އެހެނަސް ހަމްނާއަށް ނައުފަލްގެ ޙަޤީޤަތް ނޭނގޭކަން ނަބީހަށް އެނގުންވީ ހަމްނާ އެއްދުވަހު އޭނަގެ އެކުވެރިންނާއި ދެއްކި ވާހަކައެއް އިވުމުންނެވެ.
“އަހަންނަށް ކަމުދާ ފިރިހެން ކުއްޖެއްގެ ސިފަތައްދޯ؟ ލެޓްސް ތިންކް….ހޭންޑްސަމް، އޮނެސްޓް، އޮތެންޓިކް، އަހަންނަށް ނޭނގޭ ކަންތައް އަހަންނަށް ބުނެދޭ، ރަނގަޅު ކަންތައް ކުރަން އަހަންނަށް އެހީވެދޭ ކުއްޖެއް….” ހަމްނާ ކިޔައިދިން އަޑު އިވުނެވެ. ހަމްނާ އެހެން ބުނުމާއިއެކު ހަމްނާގެ އެކުވެރިން ތިއީ ހަމަ ނައުފަލްދޯއޭ ބުނުމުން ހަމްނާ ލަދުރަކި ގޮތަކަށް ހީލިއެވެ.
އެދުވަސްފަހުން ނަބީހަށް އަނެއްކާވެސް ހަމްނާއާއިމެދު ވިސްނެން ފެށީ ހަމްނާއަށްޓަކައި ހިތުގައި އުފެދުނު ކަންބޮޑުވުމެއްގެ ބޮޑުކަމުންނެވެ. ހަމްނާ އަމިއްލަ މައުސޫމްކަމުގައި ނޭނގި ނަމަވެސް އެ ދަނީ ނުބައި މިޞްރާބަކަށްކަން އެނގޭތީވެއެވެ. ނައުފަލް ހަމްނާގެ ޖަޒުބާތުތަކުގެ ނާޖާއިޒު ފައިދާ ހިފައިފާނެތީ ނަބީހް ބިރުގަނެވެ. ހަމްނާގެ ރައްކާތެރިކަމަށް އެދި ކޮންމެ ނަމާދަކަށްފަހު ތަކުރާރުކޮށް ދުޢާ ކުރެވެނީ އިޚްތިޔާރަކާއި ވެސް ނުލައެވެ.
މިއަދާއި ހަމައަށް ވެސް އެ ކަންބޮޑުވުން އޭނަގެ ހިތުގައިވެއެވެ. މިއަދު ހަމްނާ ނައުފަލާއި ރައްޓެހިވެފައިވިޔަސް، ހަމްނާ މަތިން ހަނދާން ނައްތައިލަން ދަތިވެފައިވަނީ އެ ކަންބޮޑުވުމުގެ ސަބަބުންނެވެ. ހަމްނާއާއިމެދު ނުވިސްނަން ކަނޑައަޅައިގެން މުޅި ދުވަހެއް ފާއިތު ކުރުމަށްފަހު ވެސް، ކޮންމެވެސް އެއްގޮތަކުން އެ ސޫރަ އޭނަގެ ލޮލަށް ސިފަވެގެން ދިޔައެވެ. އޭނަގެ ޖަޒުބާތުތަކުގެ ކުރިމަތީގައި އިންތިހާ ދަރަޖައިގެ ބަލިކަމެއް އިޙްސާސް ކުރެވުމުން ނަބީހަށް ދުޢާއެއް ކުރެވުނެވެ.
ހިތްތަކުގެ ވެރި ރަސްކަލާނގެއަށް ގޮވަމުންނެވެ. އޭނަގެ ޖަޒުބާތުތަކުގެ މައްޗަށް އޭނައަށް ބާރެއް ނުހިންގޭކަމަށް ދަންނަވަމުންނެވެ. އަދި އެ ޖަޒުބާތުތަކުގެ ފަހަތުގައި ސަބަބާއި މަޤްޞަދެއް ވާކަމަށް ދަންނަވަމުންނެވެ. އެހެނީ ﷲ ސުބުޙާނަހޫ ވަތަޢާލާ އެއްވެސް މަޤްޞަދެއް ނެތި އެކަލާނގެ އަޅަކަށް އިމްތިޙާނެއް ކުރިމަތި ކުރައްވާ ވަރަށްވުރެ އެކަލާނގެ ހުސްޠާހިރުވަންތަވެ ވޮޑިގެންވާކަމަށް ދަންނަވަމުންނެވެ. އެންމެ މޮޅަށް ދެނެވޮޑިގެންވަނީ ހަމައެކަނި ﷲ ކަމަށް ޔަޤީންކަމާއިއެކީ ދަންނަވަމުންނެވެ. އެހެންކަމުން އެ މަޤްޞަދު އޭނައާއި މާ ދުރު ނުކުރައްވައި އޭނައަށް ކުރިމަތިވެފައިވާ ހިތްދަތިކަމުން އޭނަ މިންޖުކޮށްދެއްވުމަށް އެދިއެވެ. އެހެނީ ﷲ އީ މުއުމިނުން ކޮންމެ މޮޅިވެރިކަމަކުން ވެސް މިންޖުކުރައްވާ ރަސްކަލާނގެއަށްވާތީ ކަމަށް ދަންނަވަމުންނެވެ.
ކުރާ ކޮންމެ ދުޢާއެއް ފަދައިން އެ ދުޢާ ކުރެވުނު ވަގުތު ވެސް އިސާހިތަކު ނަބީހްގެ ހިތަށް ހަމަޖެހުމެއް ލިބުނެވެ. އޭނަގެ ހިތްދަތިކަމާއި ފިކުރުތައް، ނުހަނު ކުޅަދުންވަންތަވެ ވޮޑިގެންވާ ފަރާތަކާއި ޙަވާލު ކުރެވިއްޖެކަން ޤަބޫލު ކުރެވުމުންނެވެ. ލިބުނު ހަމަޖެހުމާއިއެކީ ނަބީހް އެރޭ ވެސް 10 ވަރަކަށް މިނެޓް ވަންދެން ޤުރުއާން ކިޔަވަން އިނުމަށްފަހު، އޭރުވެސް މިސްކިތުގައި އިން އޭނަގެ ބޮޑުބޭބެއަށްވުރެ ކުރިން ގެއަށްދާން މިސްކިތުން ނިކުތީ، އޭގެ އަނެއްދުވަހަށް ނިންމަންޖެހޭ ފިލާވަޅުތައް ވެސް ހުރިކަން ހަނދާންކުރަމުންނެވެ.
ގެއަށް ގޮސް ކުރަންވީ ކަންތައް ސިކުނޑީގައި ރާވަމުން ނަބީހް މަގުން ހިނގާފައި ދިޔައިރު އެ މަދު މީހުން އުޅޭ ޞަރަޙައްދުގައި އޮތް ފަޅު މަގަށް ވެރިވެފައިވީ ހިމޭންކަމެކެވެ. އެ ހިމޭންކަމުގެ ތެރެއިން ކުއްލި ގޮތަކަށް އޭނަ ދަންނަ އިވިގެން ދިޔުމުން ނަބީހްގެ ފިޔަވަޅުތައް މަޑުޖެހުނެވެ.
“ވަޓް ޑޫ ޔޫ މީން އިތުރު އެލޮވެންސެއް ނުލިބޭނެއޭ ބްރޯ؟ ކިހާ ގިނަ މަޢުލޫމާތެއް ނައުފް ހޯދައިދިނީ؟” އެ އިވިގެން ދިޔަ ނައުފަލްގެ އަޑު ނޫން އެހެން އަޑެއް ނޫންކަން ނަބީހަށް ޔަޤީން ކުރެވުނެވެ. އެއާއިއެކު ފަހަތަށް ދެތިން ފިޔަވަޅު އަޅައިލަމުން ކަނާތް ފަރާތުން ފެންނަމުން ދިޔަ ގޯޅިއަށް ނަޒަރެއް ދިނީ އަޑު އައީ އެ ދިމާލުން ކަމަށް ވުމުންނެވެ. އެވަގުތު ނައުފް ހުރީ އަނެއް ފަރާތަށް އެނބުރި، ފޯނު ކަންފަތުގައި ޖައްސައިގެންނެވެ.
“ކަމޯން އާސިފްބެ! އެ ހަމްނާއަކު މަ އުޅެއުޅެ އެ މީހަކު އުޅޭ ތަނެއް ނުބުނެއޭ! ވަރަށް ދުރުދުރުން ވާހަކަ ދައްކާ އަންހެނެއް އެއީ ހުވާ…..އާނ ދެން އެބަ ބަލަން އޭނަ ހައްލައިލެވޭތޯ….ހައްލައިނުލެވުނިއްޔާ ބިރު ދައްކާނީ.” ނައުފަލް ބުނެލި ބަސްތައް އިވިފައި ނަބީހްގެ ބުމަގޮށްޖެހި، ގޮށްމުއްކެވުނެވެ.
ނަބީހް ބަލަބަލާ ހުއްޓާ ނައުފަލް ‘އޯކޭ’ އޭ ބުނެ ފޯނު ކަނޑައިލުމަށްފަހު އޭނައާއިވީ ފަރާތަށް އެނބުރިލިއެވެ. ނަބީހް ފެނުމާއިއެކު ނައުފަލް ހުއްޓުން އަރާކަމަށް ހެދިފައި ހުރިހާ ދަތްތައް ދައްކައިލިއެވެ.
“އަނހަ! މިއީ ކާކުބާ؟ މަންމަގެ ބަސްއަހާ ނަބީހްތަ؟” ނައުފަލް އާދައިގެ މަތިން މަލާމާތުގެ ރާގަކަށް ވާހަކަ ދައްކަމުން ނަބީހްގެ ކައިރިއަށް އައެވެ. އެހެނަސް އެއިން އެ ވަގުތު ނަބީހަށް ކުރި އަސަރެއްނެތެވެ.
“ދެންމެ ތި ވާހަކަ ދެއްކީ ކާކާ؟ ހަމްނާއަށް ކީއްކުރަން ތި ރާވަނީ؟” ނަބީހަށް ރުޅިވެރިކަމާއިއެކީ ދަތްކުނޑި ވިކަމުން އެ ސުވާލުތައް ކުރެވުނީ އެއްވެސް އިޚްތިޔާރަކާއި ނުލައެވެ.
“އައްދެ! ދޮންކަލޯއަށް ރުޅިވެސް އަންނަން އެނގެނީތަ؟ ޕިސް ޕިސް….ދެން ރުޅިވެސް އަންނާނެތާ. ކަލޭ އެއްޒަމާނެއްގަ އެކީގަ ނިދަން ބޭނުންވި ކުއްޖާ މިއަދު މަށާއި އެކީގަ ވިއްޔާ އެހެރީ…މަށާއި އިންނަން ވެސް އިނދެފާނެ ކަންނޭނގެ އެ ހަމްނާ. އެހާވެސް މަށާއިހެދި މޮޔަވެފަ ހުންނަ އަންހެނެއް ވިއްޔާ…މަ ބޭނުންނުވިޔަސް އެހާ ހިސާބަށް މީތި ގެންދަންވީ ކަންނޭނގެ. ކަލެއަށް ވާ ގޮތެއް ބަލައިލަން…” ނައުފަލް އެ ޒާތަށް ވާހަކަ ދެއްކީ ޤަޞްދުގައި ނަބީހް ރުޅި އަރުވައިލުމުގެ މަޤްޞަދުގައެވެ. ނަބީހަށް އެކަން މާ ރަނގަޅަށް ވެސް އެނގުނެވެ. ހަމްނާއާއިމެދު ނައުފަލް ވާހަކަ ދެއްކި ގޮތުން ނައުފަލްގެ ޓީޝާޓުގައި ހިފައި ބިމަށް ޖަހައިލަން ސިކުނޑި ބުންޏެއްކަމަކު ނަބީހް އޭނަގެ އަތް އިސްނުކުރިއެވެ.
“ހަމްނާ އިންނާނީ ހަމްނާ ލޯބިވާ މީހަކާ އިން ޝާ ﷲ! ތީނަ ހީކުރަނީ ތިއީ މާ ރީތިވެފަ މާ މޮޅު މީހަކަށްވީމައޭތަ ހަމްނާ ތީނައާއިއެކީ އުޅެނީ؟ އެހެން ހީވަންޏާ ތިއުޅެނީ ބޮޑު އޮޅުމެއްގަ. ތީނަ މަތި އޮމާން ކޮށްގެން އުޅޭތީ ހަމްނާ ތީނަގެ ފަހަތުން އުޅެނީ! މަ ޔަޤީންކުރާނަން ހަމްނާގެ ކުރިމައްޗަށް ކަލޭގެ ޙަޤީޤަތް ގެނެވޭތޯ. އެދުވަހަކުން ހަމްނާ ތީނަ ދޫކޮށްފަ ދިޔައިމަ ނުރޯތި!”
ނަބީހަށް ވެސް ރުޅިވެރިކަމާއިއެކީ ބުނެވުނު ބަސްތަކުން ނައުފަލްގެ މޫނު ރުޅިން ރަތްވެގެން ދިޔައެވެ. ނައުފަލްގެ ކިބައިގައި ނަބީހް ފަދައިން ކެތްތެރިކަމެއްގެ ކަންފުޅެއްވެސް ނެތީތީ މާ ގިނައިރެއްނުވެ ނައުފަލްގެ ގޮށްމުށުގެ ހޫނު އެތިފަހަރެއް ނަބީހްގެ މޫނާއި އަމާޒުވެގެން ދިޔައެވެ. ނަބީހަކީ ޢާއްމު ގޮތެއްގައި އެފަދަ ތަޅައިލުންތަކުގައި ބައިވެރިވެފައިވާ ކުއްޖަކަށް ނުވުމުން ގަތް ބިރާއިއެކީ ދެލޯ މަރައިލުން ނޫންކަމެއް ނުކުރެވުނެވެ.
އެހެނަސް ނައުފަލްގެ އެ ގޮށްމުށް ނަބީހްގެ މޫނުގައި ޖެހުމުގެ ކުރިން ކޮންމެވެސް މީހަކު އައިސް ނައުފަލްގެ އަތުގައި ހިފިއެވެ. އެހިނދު ނައުފަލާއިއެކީ ލަސްލަހުން ލޯ ހުޅުވައިލި ނަބީހަށް ވެސް އެދިމާލަށް ބަލައިލެވުނެވެ. އެހިނދު އެތާހުރީ ދާރިސް ނޫން ދެވަނަ މީހެއް ނޫނެވެ.
ނުނިމޭ
December 24, 2021 @ 3:25 pm
Salaam kiyuntherin! Dhen oiy bai Wednesday night ga In Sha Allah. Anekkaaves free veema laslahun viyas post thah genesdhemun dheveytho balaanan In Sha Allah. Jana ah varah reethi hisaabakah mihaaru vaahaka aissa miothy. Excited about the upcoming episodes too because of the messages in them In Sha Allah.
Much love for your support readers. Happy holidays! (for those who are in holidays of course!) 😀
December 24, 2021 @ 4:09 pm
Masha Allah. Story varah reehi hama. Varah ginah lessons thakeh vx libihjje mi story in Alhamdulilahi. Alhuganduge dua aky sis ge mi story ge sababun ves gina bayakah hidaayah liben medhuverivun In Sha Allah. This story is so inspiring. Keep going sis. I’ll be always here to support you In Sha Allah. Love you sis. Fee Amanillahi. Much love..
December 24, 2021 @ 6:45 pm
Insha Allah Ur dua will be answered ibaa..
December 25, 2021 @ 3:40 pm
Alhamdhulillah! Vaahakain Ibaa ah faidhaa kuraa vaahaka engunyma varah bodu hiyvareh libijje. Jazaakillah Khairan kaseeran for the dua and your support. It really means a lot to me <3
May Allah put barakah in every good we do and accept our good deeds from us. Ameen!
Supporter: <3 <3 <3
December 24, 2021 @ 6:42 pm
Oh my god!! Jana sis why 😭😭😭😭😭😭😭????
Oh no dhaaris naufal ge kurimahchah ery dhw..ekamaku I don’t think dhaaris alee kaaku Kan naufal gandah ingey hen…mihen bunyas neyge fahun natural islaahu nuvaane kameh ves..oops…I can’t wait to read the next part..
But still keh kuri meehaa ah hoonu bodi Bai libunu gothah alhugandah ves bodi Bai gadeh libidhaane 😅..so gonna wait.
As usual this part was also amazing maasha Allah 💝💖
Much love
^__^
December 25, 2021 @ 3:46 pm
hehe…labba Dhaaris Naufal ge kurimahchah arai Nabeeh save kury. and notice how Nabeeh was coming back from prayer. and how he always made dua for Hamna’s protection. So its no wonder he himself was protected <3
Naufal ah adhi engeyhen hiyeh nuvey dho? mihaaruves Asifbe allowance nudheegen viyya e ulheny. Information kolhun nufudhigen 😛 hehe...labba abadhuves keh kuranvaane. vakin khaassakoh Nabeeh gothah rulhi aima ves keh kuran vaane. emme varugadha meehaky rulhi aima e rulhi madu kuraa meeha dho? Naufal akah neyge mikameh 😉
Next part Thursday night ga In Sha Allah. Alhamdhulillah! Much love! <3 <3 <3
December 25, 2021 @ 3:32 am
Wowwww dhaaris 😮😮😮😮
December 25, 2021 @ 3:47 pm
I know right Mish? He is the male lead of this story for reasons! 😀
December 25, 2021 @ 12:18 pm
Assalaamu alaikum 😊 Janaa dhahtha haalu kihineii??
Dhonthi haalu rangalhu.. Alhamdhulillah 😊 (kuree part ahh😊)
Janaa dhahthaa….I am so happy..hamna ahh hidhaayathaa hamayah vaasil vumuge magu fenuneethee….Mi part ves varah varah reethi.. Masha Allah 😍😍 Jana dhahtha furathama paregraph thaku ga genes dheefa huri Bai thah….keekey bunaanee….I am just speechless….it was so so inspiring and heevanee those words thah aissa heart ga touch kolli hen..😊😊hehe..neynge kihineii kameii bunedheynee..but I wish janaa dhahtha ahh engijje kamah what I mean….
Jazaakillah khair 😊 Janaa dhathaa (kuree part ahh)
Next part ahh waiting….
Janaa dhahtha ge Thi masaii kathugai Allah barakaai lavvaashi..Aameen😊
December 25, 2021 @ 12:33 pm
Woah!!! Owww aasif bunegn dhaaris ge info e hoadhi..😕 Naufal ah ingeynebaa dhaaris fenunyma? Well I hope not!🙁.. Pls keep him safe! 😩
Dhaaris ah vx nabeeh inguni dh😯. Nice! Can’t wait to read the next part!! ✨🤍
December 25, 2021 @ 3:49 pm
Aan ekey eunoia. Thankolheh kurin ves othennu Hamna ah Naufal ge friend list in Asif fenunu vaahaka dho? Let’s hope Naufal doesn’t know Dhaaris.
Oh yes! Dhaaris meets Nabeeh! I think I’m gonna like that combo hehe…Next part Thursday night ga In Sha Allah. <3
December 25, 2021 @ 3:49 pm
FB post:
Every pain and and calamity you face in this life has a purpose. Because your Lord is way too Perfect for Him to decree something without a purpose.
So live through the pain, live through the calamity. Do the best you can to protect and defend yourself and your heart. For you will reach the purpose decreed for you. If not in this life, then in the next In Sha Allah
****************
މި ޙަޔާތުގައި ކުރިމަތިވާ ކޮންމެ ހިތްދަތިކަމަކާއި މުޞީބާތެއްގައި މަޤްޞަދެއްވެއެވެ. އެހެނީ ތިބާގެ ވެރިރަސްކަލާނގެ އެއްވެސް ކަމެއް މަޤްޞަދަކާއި ނުލައި އިރާދަކުރައްވާ ވަރަށްވުރެ ހުސްޠާހިރުވެ ވޮޑިގެންވެއެވެ.
އެހެންކަމާއި އެ ތަދާއި މުޞީބާތުގެ ތެރެއިން އުޅެލާށެވެ. އަދި ތިބާގެ އަމިއްލަ ނަފްސު ދިފާޢުކުރުމަށާއި، ހިތް ރައްކާތެރިކުރުމަށް ކުރެވެން އޮތް ހުރިހާ ކަމެއް ކުރާށެވެ. އެހެނީ ތިބާއަށް ކަނޑައެޅިގެންވާ މަޤްޞަދާއި ތިބާ ބައްދަލު ކުރާނަމުއެވެ. މި ޙަޔާތުގައި ނޫންނަމަ އާޚިރަތުގައެވެ. (އިން ޝާ ﷲ)
December 25, 2021 @ 3:50 pm
“އަދި އީމާންވެ ޞާލިޙު ޢަމަލުތައް ކުރި މީހުން (ދަންނާށެވެ!) ހަމަކަށަވަރުން، ތިމަންރަސްކަލާނގެ އެބައިމީހުން ޞާލިޙު އަޅުންގެ ތެރެއަށް ވައްދަވާހުށީމެވެ.” ސޫރަތުލް ޢަންކަބޫތު، 9
ތިބާ އިޚްލާޞްތެރި ތައުބާއެއް ވާން މަސައްކަތް ކުރާއިރު ވަށައިގެން ތިބި އެންމެން ތިބާ ހިތްދަތި ކުރުވާ ބަސްތައް ބުންޏަސް މާޔޫސް ނުވާށެވެ. ތިބާގެ އެކުވެރިންނަކީ ހެޔޮ ކަންތައްތަކެއްގެ ބަދަލުގައި ނުބައި ކަންތައްތަކަށް ދަޢުވަތު ދޭ ބަޔަކަށް ވިޔަސް ދެރަ ނުވާށެވެ. އަމިއްލަ ޢާއިލާއިން ވެސް ތިބާ ގިނަ ކުރަމުންދާ ހެޔޮ ޢަމަލުތަކަށް އެކި ޒާތުގެ ނަޒަރުތައްދީ، ފާޑު ކިޔުނަސް ހިތްވަރު އެލުވައިނުލާށެވެ.
އެހެނީ ތިބާ ތައުބާވަމުން ތި ދަނީ އެ ހުރިހާ އެންމެންނާއި އެމީހުންގެ ހިތްތަކުގެ ވެސް ވެރިރަސްކަލާނގެއަށެވެ. ތިބާ އީމާންވެ، ހެޔޮ ޢަމަލުތައް ކުރުން މަތީ ދެމި ހުރެއްޖެނަމަ، އެކަލާނގެ އެއަށްވުރެ ރަނގަޅު އެކުވެރިންތަކެއް ތިބާއަށް ދެއްވަވާނެއެވެ. އެހެންނޫންނަމަ ތިބާގެ ވަށައިގެންވި މީހުންގެ ހިތްތައް ވެސް ބަދަލު ކުރެއްވުމަށް އެކަލާނގެ ކުޅަދުންވަންތަވެ ވޮޑިގެންވެއެވެ!
ތިބާ ހެޔޮ ޢަމަލުތައް ކުރަން ފެށުމުން އެ މަގު ތިބާއަށްޓަކައި ފަސޭހަކޮށްދެއްވުމަށް، ތިބާގެ ވަށައިގެން ތިބި މީހުން ވެސް ބަދަލުކުރައްވާނީ ކިހާ އޯގާވަންތަ ރަސްކަލާނގެއެއް ހެއްޔެވެ؟ އަދި މި ދުނިޔޭގައި އެފަދަ މީހުންނާއި ބައްދަލު ނުވެއްޖެނަމަ، ސުވަރުގޭގައި ޔަޤީނުންވެސް އެފަދަ މީހުންނާއި ބައްދަލުވެވޭނެ ކަމުގެ ވަޢުދެއް ކުރައްވާނީ ކިހާ ރަޙްމާންވަންތަ ރަސްކަލާނގެއެއް ހެއްޔެވެ؟ ސުބްޙާނަ ﷲ!